അവള്‍ വരുന്നു എന്നറിഞ്ഞു
എപ്പോഴോ ആകാശവാണിയില്‍ നിന്നറിഞ്ഞു
അവള്‍ വന്നു വന്നപ്പോള്‍ കൂട്ടിനു -
സംഹാര രൂപിയാം മാരുതനും
സംഹാര രൂപിയാം മാരുതനും
പിന്നവള്‍ വന്നപ്പോള്‍ മിന്നലും കൂട്ടത്തില്‍ -
മാറ് പിളര്‍ക്കുന്ന വെള്ളിടിയും
മാറ് പിളര്‍ക്കുന്ന വെള്ളിടിയും
പിന്നെയോ വന്നത് തനിയെയായി
തുള്ളിക്കൊരു കുടം ചിതറിയ പോല്‍
അന്നവള്‍ ഭൂമിതന്‍ മാറില്‍ ചാഞ്ഞു
അന്നവള്‍ തന്നതോ വാചാലമാം -
കന്നി മണ്‍ സൗരഭ്യം ആയിരുന്നു
കന്നി മണ്‍ സൗരഭ്യം ആയിരുന്നു
പിന്നെയും പിന്നെയും മഴകളെത്തി
പലതുള്ളി പെരുവെള്ളം പെയ്തിറങ്ങി
ഒരു നാളില്‍ അവളെന്നില്‍ പെയ്തിറങ്ങി
മനതാരില്‍ കനവായി പെയ്തിറങ്ങി
ഒരു നാളില്‍ അവളെന്നില്‍ പെയ്തിറങ്ങി
മനതാരില്‍ കനവായി പെയ്തിറങ്ങി
അന്നെന്‍റെ ആത്മാവില്‍ ഞാനറിഞ്ഞു
മഴയുടെ സൗരഭ്യം ഞാനറിഞ്ഞു
കണ്ടറിഞ്ഞു.... ഞാന്‍ തൊട്ടറിഞ്ഞു
പിന്നെയും പിന്നെയും കൊണ്ടറിഞ്ഞു
No comments:
Post a Comment